Reuters reportazh për krizën energjetike në Shqipëri – (19 Nëntor 2007)

Lajme arkiva 2007

Shqipëria, kriza energjetike dhe lufta e KESH-it për të frenuar vjedhjet në rrjet, kanë tërhequr vëmendjen e Reuters. Agjencia e njohur e lajmeve i ka kushtuar një reportazh temës së energjisë në vendin tonë.

Në përpjekjet e saj për të minimizuar humbjet në rrjet, Korporata Elektroenergjetike ka mundur të ndërpresë plotësisht gjysmë milioni lidhje të paligjshme. Thirrjet e KESH-it drejtuar konsumatorëve për të mos vjedhur energji lidhen edhe me një shqetësim aspak për t’u nënvlerësuar të monopolit shtetëror të energjisë elektrike. Humbjet prej tyre dhe problemeve teknike kapin një mesatare historike prej 40% të prodhimit. Megjithatë kokëçarjet e KESH-it nuk mbarojnë me kaq, këtë periudhë edhe qielli nuk ka qenë fort në anën tonë.

Gjergj Bojaxhi: “Mungesa e vazhdueshme e energjisë elektrike, në masë të madhe i detyrohet një viti tepër të thatë. Ju e dini se sistemi shqiptar i energjisë është praktikisht 100% i varur nga rezervat ujore dhe ky ka qenë viti më i thatë i regjistruar ndonjëherë prej gati 2 dekadash dhe një ndër vitet me më pak reshje në gjysmë shekulli.”

Mungesa e energjisë ndihet ngado, në rrugët e Tiranës drejtuesit e automjeteve duhet të negociojnë kush kalon i pari pa ndihmën e semaforëve që nuk punojnë dhe nëpër dyqane gumëzhijnë semaforët. Por shpresat për ndryshim po ushqehen nga nisja e punimeve të një termocentrali të ri, atij të Vlorës.
Drejtori i KESH-it Gjergj Bojaxhi shpreson se do të jetë pikërisht ky TEC që do të vijë në ndihmë për tu dhënë fund 17 vitesh neglizhimi të burimeve të tjera të energjisë.

Gjergj Bojaxhi: “Besoj se me fillimin e shfrytëzimit të TEC-it të Vlorës me një kapacitet të plotë 100 mega si dhe me përdorimin e linjës 400 kv, unë personalisht besoj me forcë se në përfundimin e këtyre dy projekteve të parashikuara për vitin 2009, do të arrijmë më në fund ta eliminojmë nga fjalori ynë i përditshëm shprehjen krizë energjetike./tvklan.al

Gazetare: Irida Vasia

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/

• Breaking News